تعرفي على طريقة عمل صنية الجمبرى

2020-04-02 17:11:58
طريقة عمل صنية الجمبرى طريقة عمل صنية الجمبرى طريقة عمل صنية الجمبرى طريقة عمل صنية الجمبرى
  • الوجبه تكفي: 6 فرد/افراد
  • وقت الاعداد: 30 دقيقة/دقائق

الجمبرى من اسهل وصفات الاسماك اللى ممكن تعمليها وصنية الجمبرى وصفة سهلة جدا ومكوناتها موجودة فى كل بيت هنتعرف عليها بطريقة شيف مروة الشافعى زى المطاعم واحلى كمان

المقادير

  • كيلو جمبرى
  • زيت
  • بصلة كبيرة
  • 4 فصوص توم
  • فلفل رومي
  • 2 كوب عصير طماطم
  • معلقتين معجون طماطم
  • ملح
  • فلفل اسود
  • كمون
  • شطة حسب الرغبة

طريقة الاعداد

فى طاسة على النار هنضيف الزيت والبصل والتوم والفلفل الرومى المتقطعين شرائح  ونشوحهم فى الزيت كويس

اول ما الخضار يبتدى يدبل هنضيف  عصير الطماطم ومعجون الطماطم ونقلبهم كويس

بعد ما الطماطم تغلى مرة واحدة هننزل بكيلو الجمبرى المتنضف كويس ويكون بقشره ونقلبهم كويس

هنضيف التوابل الملح والفلفل الاسود والكمون ونقلبه مرة واحدة

هننقل الجمبرى والخضار فى قالب بيركس ونضيف له كوب ماء دافى

نرش على الوش شطة حسب الرغبة

هندخله فرن سخن على 200 لمدة من عشر دقائق الى ربع ساعة

هذه الوصفة من قسم:

فوائد صنية جمبرى

يعتبر الجمبرى من الاسماك المفيدة لاحتوائه على المعادن والبروتين والفيتامينات ويحتوي على نسبة قليلة من الزئبق.

يساعد الجمبرى على تكوين خلايا الدم الحمراء وذلك بسبب انه غني بفيتامين أ 

كما ان الجمبرى يعتبر مصدر هام من مصادر فيتامين ب12

ولكن يجب الحذر من تناول كميات كبيرة من الجمبرى لاحتوائه على نسبة عالية من الكوليسترول

ضعي تعليق على الوصفة