تعرفي على طريقة عمل السمك المشوي بالردة

2020-01-01 16:06:32
طريقة عمل السمك المشوي بالردة طريقة عمل السمك المشوي بالردة طريقة عمل السمك المشوي بالردة طريقة عمل السمك المشوي بالردة طريقة عمل السمك المشوي بالردة
  • الوجبه تكفي: 4 فرد/افراد
  • وقت الاعداد: 60 دقيقة/دقائق

السمك المشوى من اكتر الطرق اللى تبان صعبة فى تسوية السمك وخصوصاً لو فى البيت وكتير مننا بيجيبه جاهز، لكن شيف فاطمة ابو حاتى هتقدم طريقة السمك المشوى بطريقة سهلة جدا وهنسويه على البوتاجاز

المقادير

  • سمك بلطى
  • جزر مبشور
  • كرفس متقطع صغير
  • طماطم مكعبات صغيرة
  • بصل جوانح رفيعة
  • معلقة كسبرة ناشفة
  • معلقة كمون
  • معلقتين ملح
  • شطة حسب الرغبة
  • عصير ليمون
  • خل
  • ثوم
  • فلفل احمر
  • فلفل اخضر بارد
  • فلفل اخضر حامي

طريقة الاعداد

هنغسل السمك كويس جدا وننضف البطن تماماً ونحافظ على القشرة الخارجية للسمك

فى الكبة هنضيف الفلفل الاخضر الحامى والبارد والتوم وعصير الليمون والخل

هنضيف الكسبرة والملح والكمون والشطة حسب الرغبة

هنضيف جزء من التتبيلة على الخضار المتقطع (جزر- كرفس – طماطم – بصل) ونقلبهم كويس

هنحشى السمك بالخلطة اللى فاتت ونحاول منملاش السمك بكمية كبيرة من الخلطة

باقى التتبيلة هنحطها فى صنية او قالب بيركس ونزودها 2 كوب ماء كبار عشان تبقي دقة للسمك

هنزود التتبيلة خل وشطة وملح وكمون وكسبرة ناشفة

هنتبل السمك فى ردة ناعمة ونغطيه بالردة من كل الجوانب

على النار هنسخن صاج كويس جدا

هنحط السمك على الصاج ومنقلبوش كتير عشان ميتهريش

لما السمك ياخد لون من تحت نقلبه الناحية التانية لحد ما تاخد لون

هناخد السمك اول ما يستوي نحطه فى الدقة اللى جهزناها ودى هتديله طعم يجنن وهتساعد ان القشرة تتفصل بسهولة عن السمك

كده السمك بقي جاهز وممكن نقدمه مع الرز الصيادية وسلطة خضراء

هذه الوصفة من قسم:

فوائد السمك

السمك من اخف انواع البروتينات التى يمكن تناولها حيث انه غنى بالأوميجا 3 والفيتامينات والمعادن المفيدة لصحة القلب والمخ

يحتوى لحم السمك على نسبة عالية من الاحماض الدهنية المفيدة لتعزيز صحة القلب وصحة الاوعية الدموية والحد من الاصابة بتجلط الدم

ينصح الاطباء ومنظمات الصحة بتناول السمك على الاقل مرة واحدة اسبوعياً للمحافظة على الصحة العامة للانسان

ضعي تعليق على الوصفة