تعرفي على طريقة عمل الفشار - البوب كورن

2019-12-12 13:33:58
طريقة عمل الفشار - البوب كورن طريقة عمل الفشار - البوب كورن
  • الوجبه تكفي: 4 فرد/افراد
  • وقت الاعداد: 10 دقيقة/دقائق

اعرفي اسهل طريقة لعمل الفشار او البوب كورن، طريقة سهلة وجميلة وسريعة جدا هتعملي بيها احلى فشار زي الفشار الجاهز بالظبط، ومكونات بسيطة، الفشار او البوب كورن هوه سناك خفيف بالليل بيحبه الكبار والاطفال، ومناسب اوي كبديل عن وجبة العشاء، وبينصح بيه دكاترة الدايت لأنه مشبع جدا رغم انه نسبة السعرات الحرارية اللي فيه قليلة جدا.

المقادير

  • ٥٠ جرام ذره فشار (يفضل شراءها من عند العطار لأنها بتكون فريش وطعمها اعلى من المباعة في اكياس).
  • ٢ ملعقة كبيرة زيت طعام.
  • ١ ملعقة صغيرة ملح.

طريقة الاعداد

طريقة عمل الفشار سهلة وبسيطة، هنجيب وعاء غويط (ممكن حلة او اللبانة)، المهم يكون ليه غطا، ونضعه على نار عالية ونضع الزيت ثم الملح، ونرج الوعاء بشكل لحد ما نوصل لمرحلة ان الزيت سخن (قدح)، هنحط ذره الفشار ونرج الوعاء مرة تانية ونسيبه ١٠ ثواني ونرجه مره تانية علشان نقلب الدره في الزيت وتسخن من جميع النواحي، وبعدين نغطي الوعاء وننتظر واول ما نبدأ نسمع صوت الفرقعة نرج الوعاء مره تانية ونسيبه على النار، بمجرد ما نحس ان عدد مرات فرقعة الدره بدء يقل نطفي النار ونسيب الغطا لحد ما يسكت صوت فرقعة الدره خالص، وبعدين نفتح الغطا وننقل الفشار لوعاء التقديم

هذه الوصفة من قسم:

فوائد الفشار

يعتبر الفشار غني بمضاد الأكسدة البوليفينول (Polyphenol) الذي يحمي خلايا الجسم من تراكم الجذور الحرة الضارة، والتي ترفع من خطر الإصابة بالأمراض المزمنة مثل السكري، كما انه يعمل على خفض خطر الإصابة بالعديد من الأمراض مثل السمنة والسكري من النوع الثاني
المساهمة في فقدان الوزن الزائد، بالاضافة الى تحسين عمل الجهاز الهضمي. كما انه يساعد في الشعور بالشبع لفترة أطول، وبالتالي يقلل من كمية السعرات الحرارية المتناولة لاحقًا خلال اليوم.

ضعي تعليق على الوصفة