تعرفي على طريقة عمل المندى

2020-02-03 16:12:16
طريقة عمل المندى طريقة عمل المندى طريقة عمل المندى طريقة عمل المندى طريقة عمل المندى طريقة عمل المندى طريقة عمل المندى طريقة عمل المندى
  • الوجبه تكفي: 4 فرد/افراد
  • وقت الاعداد: 60 دقيقة/دقائق

المندى من الاكلات الخليجية المشهورة واللى دايما بتميز اى عزومة هنتعلم نعملها ازاى بطريقة شيف فاطمة ابو حاتى

المقادير

  • للفراخ هنحتاج
  • فرخة مسلوقة 3/4 سوا
  • ملح
  • فلفل اسود
  • بهارات مندى
  • معلقتين كبار زيت
  • معلقتين كبار عصير ليمون
  • رشة قرفة
  • رشة زعفران

 

  • للأرز هنحتاج
  • رز بسمتى مغسول ومنقوع
  • جزر مبشور
  • بصلة كبيرة مفرومة
  • مكعب مرقة
  • فلفل حامي
  • ملح
  • زيت
  • زبدة
  • 2 عود قرفة
  • 2 لومي
  • 5 حبهان
  • 2 ورق لورا
  • 5 قرنفل
  • شوربة الفراخ

طريقة الاعداد

اول خطوة لو عندك شعيرات الزعفران هننقعها فى شوية مياه دافية ولو مش متوفرة هنجيب الزعفران البودرة وندوبه فى معلقتين مياه

فى بولة كبيرة هنضيف الملح والفلفل والزيت والليمون وبهرارت المندى ورشة القرفة والزعفران  ونقلب الخليط كويس

هنتبل الفراخ المسلوقة بالتتبيلة كويس من كل الجوانب  ونسيبهم لحد ما نجهز الرز

فى صنية او حلة على النار هنشوح البصلة فى الزبدة والزيت ونضيف ليها التوابل الصحيحة

ونقلبهم كويس لحد ما الريحة تظهر

بعد ما البصل يدبل هنضيف الرز البسمتى الدهبى المغسول والمنقوع نص ساعة بعد ما يتصفى

هنضيف الجزر المبشور والملح ونقلب كويس ونضيف مكعب المرقة وممكن الاستغناء عنها لوجود الشوربة

لكل كوب رز 2 كوب شوربة

هنعمل 3 طبقات من ورق الفويل ونقفل الصينية كويس جدا

نعمل فتحات فى الفويل باسياخ الشيش طاووق

هنرص الفراخ فوق ورق الفويل

هنغطى الفراخ بورق فويل

ندخل الصينية الفرن على حرارة 200 لمدة ربع ساعة وبعدين نهدى النار على 160 ونسيبها تقريبا ساعة الا ربع

لحد ما الفراخ والارز يستووا وبعدين نشغل الشواية على النار

لتدخين الرز والفراخ هنولع فحمة ونحطها على ورق فويل داخل صينية الرز والفراخ ونغطى كويس عشان يتشبع بالدخان

هذه الوصفة من قسم:

فوائد المندى

المندى هى اكلة خليجية اشتهرت بها دول شبه الجزيرة العربية حيث تكون هذه الوجبة عبارة عن الارز المبهر والفراخ المسلوقة والمتبلة بالزعفران والبهارات الخاصة بأكلة المندى، تعتبر هذه الأكلة من اشهر الاكلات التى تتواجد دائما فى الولائم والعزومات فى دول الخليج

ضعي تعليق على الوصفة