تعرفي على طريقة عمل الطعمية البيتي

2019-12-29 15:00:15
طريقة عمل الطعمية البيتي طريقة عمل الطعمية البيتي طريقة عمل الطعمية البيتي
  • الوجبه تكفي: 4 فرد/افراد
  • وقت الاعداد: 50 دقيقة/دقائق

الطعمية او الفلافل من اشهر الاكلات المشهورة فى مصر فا هي تعتبر واحدة من اشهر الاكلات الشعبية اللى كل الناس بتحبها والاجانب بيسألوا عليها اول ما يوصلوا مصر، شيف مروة الشافعى بتقدم طريقة عمل الطعمية بس فى البيت بمكونات بسيطة وطريقة تضمنلك نجاح الطعمية من اول مرة

المقادير

  • نص كيلو فول مدشوش
  • بقدونس
  • كزبرة خضرا
  • 3 بصل اخضر
  • 4 فصوص توم مفروم
  • ملعقة كبيرة كزبرة ناشفة
  • ملح
  • فلفل اسود
  • سمسم

طريقة الاعداد

فى طبق هننقع الفول المدشوش فى ماء فاتر لمدة ساعتين ونص ونغير عليه المياه حوالى 3 مرات

هنصفيه خالص من الماء ونضيف له حزمة صغيرة بقدونس على كزبرة خضراء

هنقطع عليهم البصل الاخضر وممكن بداله بصلة احمر صغيرة

هنضيف فصوص التوم والكزبرة الناشفة والملح والفلفل

هنقلبهم كويس ونبدأ نضربهم فى الكبة

هنضرب نص الكمية الاول وبعدين نضيف النص التانى

لو العجينة ناشفة اثناء الضرب فى الكبة ممكن نضيف لها معلقة واحدة ماء فاتر

خطوة مهمة : هناخد جزء جزء من العجينة فى طبق غويط ونبدا نضربها بمضرب سلك الخطوة دي هتخلى العجينة هشة زي المطاعم بالظبط

هنضيف بيضة على جزء من العجين اللى هنستخدمه ونبدأ نشكل العجينة ومع كل قرص هنبل صوابعنا بشوية مياه عشان العجينة متلزقش

هنحط قرص الطعمية فى خليط من السمسم والكزبرة الناشفة

هنبدأ نحمرها فى زيت سخن وبعدين نهدي النار لحد ما تستوي

هنقدم الطعمية سخنة وعليها رشة بقدونس وكزبرة او نقدمها فى ساندوتشات ومعاها سلطة خضراء او سلطة طحينة

باقى كمية الطعمية ممكن نحفظها فى اكياس فى الفريزر

هذه الوصفة من قسم:

فوائد طعمية

الطعمية تعتبر نوع من انواع البقوليات الذى يحتوي على عدة فيتامينات وغنية بالبروتينات، وتساعد الالياف الكثيرة الموجودة بالطعمية على تحسين عملية الهضم حيث ان الطعمية تحتوي فى مكوناتها على البقدونس والكزبرة وهذه الورقيات تعتبر الياف مفيدة لجسم الانسان

تساعد الطعمية فى الحفاظ على مستوى السكر فى الدم كما انها مصدر جيد للحصول على الحديد

ضعي تعليق على الوصفة