تعرفي على طريقة عمل طاجن لحم بالعجين

2020-01-22 15:11:53
طريقة عمل طاجن لحم بالعجين طريقة عمل طاجن لحم بالعجين طريقة عمل طاجن لحم بالعجين طريقة عمل طاجن لحم بالعجين طريقة عمل طاجن لحم بالعجين طريقة عمل طاجن لحم بالعجين
  • الوجبه تكفي: 4 فرد/افراد
  • وقت الاعداد: 90 دقيقة/دقائق

طريقة جديدة ومختلفة لعمل طاجن اللحمة بالبصل باضافة العجين بطريقة الشيف فاطمة ابو حاتى

المقادير

  • كيلو لحم مكعبات
  • كيلو بصل جوانح
  • 5 فصوص توم شرائح
  • ربع كيلو فلفل بارد او حار
  • ربع كيلو طماطم
  • ملح
  • فلفل اسود
  • السبع بهارات او بهارات لحمة
  • رشة سكر

للعجين 

  • 2 كوب دقيق
  • معلقة صغيرة خميرة
  • رشة ملح
  • ماء دافى للعجين

طريقة الاعداد

لعمل العجينة

فى بولة هنضيف الدقيق والخميرة ورشة الملح ونقلبهم كويس

هنعجن بمياه دافية لحد ما العجينة تتجانس

نعجن العجينة كويس جدا ونسيبها ترتاح  لحد ما اللحمة تستوى

 

لعمل اللحمة

فى حلة على النار هنسيح معلقتين كبار سمنة  لما تسخن اوي هننزل بمكعبات اللحمة

هنشوح اللحمة على النار بس منقلبش كتير

بعد ما اللحمة تاخد لون دهبى هنضيف شرائح التوم والبهارات السبعة والفلفل والسكر ونقلب كويس

لما اللحمة تدخل مرحلة التسوية هنضيف البصل ونقلب كله مع بعضه

هنهدى النار ونغطيها ومن وقت للتانى نقلبها عشان متلزقش

هنضيف الفلفل الاخضر والطماطم والملح  للحمة ونقلبهم ونسيبها تغلى مرتين

هننزل باللحمة بعد ما استوت فى طاجن فخار او بيركس

هنغطى الطاجن بالعجينة وندهنها بخليط النسكافيه واللبن البودرة والسكر والمياه

نوزع حبة البركة على وجه العجين

ندخل الطاجن على فرن سخن على درجة 180 لحد ما العجينة تحمر (بلاش شواية عشان العجين مينشفش)

هذه الوصفة من قسم:

فوائد اللحم البقرى

تعتبر اللحوم الحمراء او اللحم البقرى يحتوى على العديد من العناصر والفيتامينات المفيدة لجسم الانسان، من اهم هذه العناصر هو الحديد حيث تعد اللحوم الحمراء مصدر غنى جدا لعنصر الحديد كما تحتوى هذه اللحوم على الزنك المفيد لنمو جسم الانسان

تعتبر اللحوم الحمراء ايضا مصدر غنى لفيتامين ب 6 و فيتامين ب 12 اللذين يحتاجهم الانسان لنمو الجهاز العصبى ولتحسين اداء وظائف الدماغ

ضعي تعليق على الوصفة