تعرفي على طريقة عمل بسكوت العشر دقائق

2020-03-30 15:38:35
طريقة عمل بسكوت العشر دقائق طريقة عمل بسكوت العشر دقائق
  • الوجبه تكفي: 4 فرد/افراد
  • وقت الاعداد: 10 دقيقة/دقائق

اسهل بسكوت ممكن تعمليه وتقدميه لأولادك او للضيوف مش بياخد وقت ونتيجته مضمونة والوصفة ناجحة جدا

المقادير

  •  كوب ونص دقيق
  • نص كوب سكر
  • بيضة
  • نص كوب زيت
  • نص كوب زبدة او سمنة
  • معلقة صغيرة بيكينج بودر
  • معلقة صغيرة فانيليا

طريقة الاعداد

فى الخلاط هنضيف السكر والبيض والفانيليا ونضربهم كويس جدا

هنضيف الزيت والزبدة ونضربهم تانى كويس

فى بولة هنضيف الخليط وعليه مقدار الدقيق والبيكنج بودر ونقلبهم كويس اوى

لو عايزة جزء من البسكوت بالكاكاو بناخد جزء من العجينة ونضيف لها معلقة كاكاو

هنشكل العجينة بقطاعات البسكوت او ممكن تبقي شكل الكوكيز

نرص البسكوت فى صنية الخبز ونراعى وجود مسافات لان البسكوت حجمه بيكبر فى الفرن

هنسويه فى الفرن على نار متوسطة واول ما يحمر من تحت هنفتح عليه الشواية ونراعى انه بياخد لون بسرعة

هذه الوصفة من قسم:

فوائد بسكوت

البسكوت من الحلويات الخفيفة واللذيذة اللى كل الناس بتحبها، فى وصفات كتير للبسكوت لكن بسكوت العشر دقايق يعتبر اسهل طريقة عشان تعملى بسكوت ناجح خفيف وهش، البسكوت بيفضل دائما يكون موجود فى البيت ونقدمه مع شاى كوجبات خفيفة.

ضعي تعليق على الوصفة