تعرفي على طريقة عمل كيكة الفراولة

2019-12-29 16:08:44
طريقة عمل كيكة الفراولة طريقة عمل كيكة الفراولة طريقة عمل كيكة الفراولة طريقة عمل كيكة الفراولة
  • الوجبه تكفي: 6 فرد/افراد
  • وقت الاعداد: 90 دقيقة/دقائق

دلوقتى موسم الفراولة عشان كده بننصحك تدخليها فى وصفات كتير لأنها مفيدة جدا ومن احلى الوصفات اللى ممكن تستخدمى الفراولة فيها هي الكيكة، كيكة الفراولة من اسهل والذ الكيكات اللى ممكن تقدميها وشيف مروة الشافعى بتقدم طريقتها بشكل مبسط وبمكونات سهلة ومتوفرة فى كل بيت

المقادير

  • 2 كوب دقيق
  • 2 كوب فراولة عليهم معلقتين سكر
  • 2 كوب سكر بودرة
  • 4 بيضات
  • كوب زيت
  • رشة ملح
  • نص معلقة صغيرة قرفة
  • نص معلقة صغيرة بيكنج صودا
  • فانيليا

طريقة الاعداد

فى طبق هنضيف الدقيق وعليه رشة الملح والقرفة والبيكنج صودا والسكر البودرة ونخلطهم كويس

فى طبق هنضيف الفراولة وعليها معلقتين سكر عشان تنزل المياه اللى فيها

فى بولة هنضرب البيض مع الزيت والفانيليا

هنضيف الفراولة لخليط البيض والزيت ونقلبهم

هنضيف عليهم خليط الدقيق بالتدريج

ملحوظة: عجينة كيكة الفراولة بتبقي اتقل شوية من باقى الكيكات

بعد ما قلبنا خليط الكيك كويس هنصب الخليط فى قالب او صينية مدهونة زيت وعليها ورق زبدة

هنقطع فراولة شرائح ونرصها على وش الخليط

هندخل القالب فرن سخن على حرارة 180 لمدة من 45 لـ 60 دقيقة

بعد ما تستوي هنطلعها من الفرن ونسبها تبرد خالص وبعدين نقدمها

هذه الوصفة من قسم:

فوائد فراولة

الفراولة من اكثر الفواكه الغنية بمضادات الأكسدة التى تساعد وبقوة على محاربة مرض السرطان، الفراولة ايضاً غنية بفيتامين سى حيث اثبتت الدراسات ان تناول 8 حبات من الفراولة يحتوي على كمية فيتامين سى اكتر من الكمية الموجودة فى برتقالة واحدة.

الفراولة فاكهة غنية بالأليف التى تساعد ايضاً فى خفض نسبة الكوليسترول.

تتميز الفراولة بقلة سعراتها الحرارية حيث ان تناول مقدار 100 جرام من الفراولة يعادل 32 سعر حرارى فقط.

ضعي تعليق على الوصفة