تعرفي على طريقة عمل الليزى كيك

2019-12-31 14:17:55
طريقة عمل الليزى كيك
  • الوجبه تكفي: 6 فرد/افراد
  • وقت الاعداد: 20 دقيقة/دقائق

الليزى كيك او كيكة البسكوت من اسهل وصفات الحلويات اللى ممكن تقدميها وبتتحضر فى وقت قليل جدا مش بتحتاج مجهود وكمان مكوناتها بسيطة جدا

المقادير

  • بسكوت سادة
  • نص كوب كاكاو خام
  • نص كوب لبن
  • مكعب زبدة
  • نص كوب سكر
  • معلقة كبيرة نوتيلا
  • علبة قشطة

طريقة الاعداد

على النار هنضيف الكاكاو واللبن والسكر وندوبهم كويس واول ما يغلى هنرفعه من على النار

هنضيف مكعب الزبدة ونقلب كويس

نضيف معلقة النوتيلا او اى نوع شوكولاتة قابلة للدهن لتعزيز الطعم وممكن تستغني عن الخطوة دى

اول ما الخليط يهدى من السخونية هنضيف علبة القشطة ونقلبهم كويس لحد ما القشطة تدوب تماماً

هنكسر البسكوت ونضيفه للخليط ونقلبه كويس 

فى قالب انجلش كيك او اى قالب تفضليه هنفرش ورق سترتش ونضع عليه خليط البسكوت بالشوكولاتة نضغط عليها كويس لحد ما تاخد شكل القالب وهنغلفها بالسترتش كويس 

هنسبها فى التلاجة 5 ساعات او ساعتين فى الفريزر

نقطعها ونقدمها وممكن نضيفلها صوص شوكولاتة ومكسرات للتزيين عند التقديم

هذه الوصفة من قسم:

فوائد شوكولاتة

اثبتت الدراسات ان الشوكولاتة الغامقة الخالية من السكر تساعد فى خفض ضغط الدم ولا تسبب زيادة فى الوزن وذلك بسبب مادة الفلافونويد الموجودة في الكاكاو، وهي مادة مضادة قوية للتأكسد وتحفز توسع الشرايين مما يساعد على خفض ضغط الدم

ضعي تعليق على الوصفة