طريقة محلول النقع السحرى لجميع انواع الطيور

التاريخ : 2020-01-28 17:13:56 | القسم : وصفات ونصائح للمطبخ

طريقة محلول النقع السحرى لجميع انواع الطيور

كتير مننا بيواجه مشاكل مع الفراخ والطيور عموما، من اهم المشاكل دى هى ان فى ريحة زفارة او ان الفراخ بتنشف بعد ما تستوى او ان الفراخ بتكش، كل المشاكل دى حلها الوحيد هو محلول النقع السحرى اللى قدمته شيف سارة عبدالسلام 

المحلول يقال عليه سحرى لانه بيعالج كل المشاكل الخاصة بالطيور وبيقضى على اى ريحة زفارة فيها، كمان المفروض ننقع الطيور فى المحلول ليلة كاملة فبالتالى الطيور هتكون اتشبعت بالمحلول ويفضل فيها عصارة طول فترة التسوية فا هنتجنب مشكلة ان الفراخ بتنشف

استخدام محلول النقع للطيور والفراخ بيغنيكي عن خطوة غسيلها بالماء والملح والدقيق، لأن المحلول بيقضى على اى شوائب او دهون او ريحة زفارة موجودة فى الطيور

مكونات محلول النقع السحرى لنقع الطيور والدواجن

3 ونص لتر ماء

3/4 كوب من السكر

نص كوب ملح       

نكهات اختيارية

فصوص حبهان

ورق لورا

عود قرفة

بشر ليمون

كرفس 

جزر

بصل

 

خطوات نقع الطيور

هندوب الملح والسكر فى لتر ماء ساخن ونضيف ليهم المنكهات حسب الرغبة

هنبدا نبرد لتر الماء بباقى كمية الماء الخاصة بالمحلول (2 لتر ونص) 

هنضيف الفراخ للمحلول ونغطى الطبق وتبات ليلة كاملة فى التلاجة وممكن اكتر 

 

المحلول فعلاً يستحق التجربة لانه هيوفر وقت كتير فى تنضيف الطيور وهيقضي على اى مشاكل بتقابليها فى تسوية الطيور

 

Share This Post!

ضعي تعليق على المقالة