نصائح لمطبخ نظيف دائماً

التاريخ : 2019-12-23 16:58:44 | القسم : وصفات ديكور - نصائح تساعدك للحصول على بيت اجمل

نصائح لمطبخ نظيف دائماً

اكتر مكان بتتواجد فيه ربة المنزل هو المطبخ عشان كده لازم دائماً يبقي نظيف ومرتب، وهنستعرض مع بعض اهم العادات والافكار اللى لو حافظتى عليها هتلاقى مطبخك دايماً مرتب ومنظم وتقدرى تقفى فيه براحتك.

تنظيم اسطح المطبخ

دائما حافظى على ان رخامة المطبخ تبقي فاضية قدر المستطاع او يبقي عليها الاشياء والادوات المهمة فقط.

خصصي سلة او بوكس يشمل الادوات اللى بتستخدميها فى تحضير الفطار

حاولى ان الأجهزة الكهربائية تكون داخل وحدات المطبخ مش على الرخامة

من المفضل وجود زهريات صغيرة تعطى روح وجمال لشكل المطبخ وتساعدك انك تقضى وقت فى المطبخ من غير ملل

 

تنظيم وحدات المطبخ

حاولى تخصصى لكل نوع من ادوات المطبخ مكان معين زى الاجهزة الكهربائية والحلل وادوات الخبز، ده هيساعدك تلاقى اى حاجة تحتاجيها بسهولة من غير ما تدورى فى كل الأماكن

 

التخلص من المواعين

دائماً حاولى يكون الحوض خالى من اى مواعين واغسليهم اول بأول او استعيني بغسالة الاطباق لو موجودة 

 

توزيع الاضاءة

الاضاءة عنصر مهم من عناصر المطبخ، فا كل ما كانت واضحة ده هيساعدك جدا فى الوقوف فى المطبخ لفترات

 

فى النهاية مطبخك ده ملك لكى حافظى عليه ودايما يبقي مرتب لراحتك انتى قبل اى شئ

Share This Post!

ضعي تعليق على المقالة