خطوات بسيطة لحوض مطبخ بيلمع

التاريخ : 2019-12-26 16:46:26 | القسم : وصفات ديكور - نصائح تساعدك للحصول على بيت اجمل

خطوات بسيطة لحوض مطبخ بيلمع

الحوض يعتبر هو روح المطبخ ومن اهم الاجزاء فى المطبخ عشان كده وانتى بتختارى الحوض حاولى تشترى اكتر حوض مريح فى الاستخدام بالنسبالك بالنسبة للشكل والمقاس والتقسيمة، والاحواض انواع كتيرة جدا وتعتبر الاحواض الايطالية الانسب لأنها متوسطة السعر وخامتها جيدة جدا.

النهارده هنعرض وصفة سهلة جدا وبسيطة قدمتها شيف سارة عبدالسلام وهى ازاى تنضفى الحوض بمكونات بسيطة جدا بس هيبقي شكل الحوض بيلمع من النضافة

المكونات المطلوبة لتنظيف الحوض

ليمون

خل ابيض

بيكنج صودا "كربوناتو"

صابون سائل للمواعين

سفنجة ناعمة

فوطة

 

هنرش البيكنج صودا فى جميع انحاء الحوض وبعدين نجيب نص ليمونة نحطها فى الخل وندعك بيها الحوض كله وكل ما احتاجنا خل نزود

بالسفنجة الناعمة عليها نقط صابون سائل للمواعين هندعك الحوض بالكامل 

نغسل الحوض بماء فاتر وننشفه بالفوطة ودى نقطة مهمة جدا ان الحوض ميبقاش فيه اى نقط مياه

 

وكده هتكونى حافظتى على شكل الحوض وده بيساعد انه يعيش معاكى وقت اطول

 

Share This Post!

ضعي تعليق على المقالة